فیلڈ مارشل عاصم منیر نے خطے میں استحکام کیلئے اہم کردار ادا کیا: خواجہ آصف

وزیر دفاع خواجہ آصف نے اپنے بیان میں کہا ہے کہ فیلڈ مارشل کے خطے میں اہم کردار کا اعتراف برطانوی جریدے فنانشل ٹائمز نے بھی کر لیا ہے، جس سے عالمی سیاست میں پاکستان کا مثبت کردار اجاگر ہوا ہے۔

خواجہ آصف کا کہنا تھا کہ فیلڈ مارشل عاصم منیر نے خطے میں استحکام کے لیے اہم کردار ادا کیا اور معرکہ حق میں قائدانہ صلاحیتوں کا مظاہرہ کیا۔ انہوں نے کہا کہ سعودی عرب کی جانب سے فیلڈ مارشل کو ایوارڈ ملنا ایک بڑی کامیابی ہے جبکہ ملک میں معاشی اصلاحات بھی واضح طور پر نظر آ رہی ہیں۔

وزیر دفاع نے مزید کہا کہ فنانشل ٹائمز کی جانب سے یہ اعتراف پاکستان کے لیے ایک بڑی سفارتی کامیابی ہے۔ انہوں نے الزام عائد کیا کہ بانی پی ٹی آئی کے دورِ حکومت میں پاکستان کے سفارتی تعلقات شدید متاثر ہوئے، امریکا کے خلاف بیانات دیے گئے اور سعودی عرب کے ساتھ بھی تعلقات خراب کیے گئے۔