قومی و صوبائی اسمبلیوں میں اقلیتی نشستیں بڑھانے کیلئے درخواست دائر

وفاقی آئینی عدالت میں قومی و صوبائی اسمبلیوں میں اقلیتی اور خواتین کی نشستوں میں آبادی کے تناسب سے اضافے کے لیے درخواست دائر کر دی گئی ہے۔ نصیب مسیح ایڈووکیٹ کی جانب سے دائر کی گئی اس درخواست میں وفاقی حکومت، سیکرٹری قانون اور پارلیمانی امور کو فریق بنایا گیا ہے۔ درخواست گزار کا موقف ہے کہ لاہور ہائی کورٹ نے اقلیتوں کی نشستیں بڑھانے سے متعلق کیس میں درست فیصلہ صادر نہیں کیا اور نئی مردم شماری کے نتائج کو مدِنظر نہیں رکھا گیا۔ درخواست میں استدعا کی گئی ہے کہ مسلم آبادی کی طرز پر اقلیتوں اور خواتین کو بھی آبادی میں ہونے والے اضافے کے عین مطابق ایوانوں میں نمائندگی فراہم کی جائے۔