پٹرول 75 پیسے فی لٹر سستا، ڈیزل 2 روپے 24 پیسے مہنگا ہوگیا

حکومت نے آئل اینڈ گیس ریگولیٹری اتھارٹی (OGRA) کی سفارشات پر پیٹرولیم مصنوعات کی قیمتوں میں ردوبدل کا اعلان کر دیا ہے۔ اوگرا کی جانب سے جاری کردہ نوٹیفکیشن کے مطابق پیٹرول کی فی لیٹر قیمت میں 75 پیسے کی کمی کی گئی ہے، جس کے بعد پیٹرول کی نئی قیمت 335.06 روپے فی لیٹر مقرر ہو گئی ہے۔ دوسری جانب ہائی اسپیڈ ڈیزل کی قیمت میں 2.24 روپے فی لیٹر کا اضافہ کر دیا گیا ہے، جس کے بعد ڈیزل کی نئی قیمت 390.62 روپے فی لیٹر تک پہنچ گئی ہے۔ پیٹرولیم ڈویژن کے مطابق نئی قیمتوں کا اطلاق آج رات 12 بجے سے ہو گا۔