بانی پی ٹی آئی کے حکم پر عوامی تحریک کے مطالبات کی حمایت کرتے ہیں، عبد القیوم نیازی

سابق وزیر اعظم آزاد کشمیر سردار عبدالقیوم نیازی نے خطے کی موجودہ نازک صورتحال پر شدید تشویش کا اظہار کرتے ہوئے کہا ہے کہ آزاد کشمیر کے حالات انتہائی سنگین ہو چکے ہیں اور کشمیریوں پر طاقت کا بیجا استعمال پوری دنیا میں غلط پیغام بھیج رہا ہے۔ انہوں نے کہا کہ کشمیریوں نے قیامِ پاکستان کی تحریک سے لے کر آج تک لازوال قربانیاں دی ہیں، لیکن موجودہ حالات سابقہ حکومتوں کی غلط پالیسیوں کا نتیجہ ہیں۔ عبدالقیوم نیازی کا کہنا تھا کہ بانی پی ٹی آئی نے جیل سے ہدایت کی ہے کہ عوامی تحریک کے جائز مطالبات کی مکمل حمایت کی جائے جن پر معاہدے کے باوجود عمل درآمد نہیں کیا گیا۔ انہوں نے آزاد کشمیر میں مرحلہ وار انتخابات کے انعقاد اور طاقت کے استعمال کی مذمت کرتے ہوئےمطالبہ کیا کہ پرامن عوام پر گولی چلانے کے بجائے مذاکرات کا راستہ اپنایا جائے۔