کشمیر پاکستان کی شہ رگ ہے، سیاسی پوائنٹ اسکورنگ بند کی جائے: 27 جولائی کے الیکشن فراڈ تھے، بیرسٹر گوہر

پاکستان تحریکِ انصاف (PTI) کے چیئرمین بیرسٹر گوہر علی خان نے آزاد کشمیر کے موجودہ حالات پر تشویش کا اظہار کرتے ہوئے 27 جولائی 2026 کے انتخابی عمل کو مکمل فراڈ قرار دے کر اس کی شدید مذمت کی ہے۔ انہوں نے کہا کہ کشمیر پاکستان کی شہ رگ ہے جہاں سیاسی پوائنٹ اسکورنگ کی بجائے شفاف انتخابات کروائے جانے چاہیے تھے، لیکن گولی، لاٹھی اور دھاندلی کے ذریعے حالات کو مزید خرابی کی طرف دھکیلا گیا۔ بیرسٹر گوہر کا کہنا تھا کہ آزاد کشمیر میں مشین کی طرح جعلی ٹھپے لگائے گئے اور سیاسی رہنماؤں کی آمد پر پابندی لگا کر امن و امان کا مسئلہ پیدا کیا گیا، جبکہ حکمران جماعتیں اپنے ذاتی و سیاسی مفادات کی خاطر کشمیر کے حالات خراب کرنے کی ذمہ دار ہیں اور پی ٹی آئی بائیکاٹ کے باوجود کشمیری عوام کے ساتھ کھڑی ہے۔