سکیورٹی فورسز کی خیبرپختونخوا اور بلوچستان میں کارروائیاں، 32 دہشت گرد ہلاک

پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے خیبر پختونخوا اور بلوچستان میں انٹیلیجنس بنیادوں پر کارروائیاں کرتے ہوئے بھارتی سرپرستی میں سرگرم 32 دہشتگردوں کو ہلاک کر دیا ہے۔ آئی ایس پی آر کے مطابق 28 اور 29 جولائی 2026 کی درمیانی شب ضلع خیبر میں کیے گئے ٹارگٹڈ آپریشنز میں  24 دہشتگرد مارے گئے، جبکہ بلوچستان کے ضلع نوشکی میں شدید فائرنگ کے تبادلے کے دوران ‘ 8 دہشتگرد ہلاک ہوئے۔ ترجمان پاک فوج نے بتایا کہ ان کارروائیوں کے دوران بھاری مقدار میں اسلحہ، گولہ بارود اور دیسی ساختہ دھماکا خیز مواد بھی برآمد کر کے تباہ کر دیا گیا ہے، جبکہ قومی ایکشن پلان اور عزمِ استحکام کے وژن کے تحت بیرونی سرپرستی میں ہونے والی دہشتگردی کے مکمل خاتمے تک کارروائیاں جاری رہیں گی۔