فلسطین پر اسرائیلی قبضے تک مشرق وسطیٰ میں پائیدار امن ممکن نہیں: پاکستان

اقوامِ متحدہ کی سلامتی کونسل کے اجلاس سے خطاب کرتے ہوئے پاکستانی مستقل مندوب عاصم افتخار نے واضح کیا ہے کہ فلسطین پر غیر قانونی اسرائیلی قبضہ برقرار رہنے تک مشرقِ وسطیٰ میں پائیدار امن کا قیام ممکن نہیں ہے۔ انہوں نے خطے میں بڑھتی ہوئی کشیدگی پر شدید تشویش کا اظہار کرتے ہوئے امریکہ اور ایران پر زور دیا کہ وہ گزشتہ ماہ طے پانے والی مفاہمتی یادداشت پر مکمل روح کے ساتھ عمل درآمد کریں۔ پاکستانی مندوب نے سعودی عرب اور تجارتی بحری جہازوں پر ہونے والے حملوں کی سخت مذمت کی اور کہا کہ ریاض کو وسیع تر علاقائی تنازع میں گھسیٹنے کی کوششیں انتہائی تشویشناک ہیں۔ انہوں نے سعودی عرب کی سلامتی، خودمختاری اور علاقائی سالمیت کے لیے پاکستان کی غیر متزلزل حمایت کا اعادہ بھی کیا۔