فٹبال ورلڈکپ: میکسیکو کو شکست دے کر انگلینڈ کوارٹر فائنل میں پہنچ گیا

انگلینڈ نے فیفا ورلڈکپ کے سنسنی خیز پری کوارٹر فائنل میچ میں میزبان میکسیکو کو 2 کے مقابلے میں 3 گول سے شکست دے کر ٹورنامنٹ کے کوارٹر فائنل کے لیے کوالیفائی کر لیا ہے، جہاں اب اس کا مقابلہ ناروے سے ہوگا۔

میچ میں انگلینڈ کی جانب سے اسٹار کھلاڑی جوڈ بیلنگھم نے شاندار کھیل پیش کرتے ہوئے دو گول اسکور کیے، جبکہ کپتان ہیری کین نے ایک گول کر کے ٹیم کی پوزیشن کو مضبوط کیا۔ دوسری جانب، میزبان میکسیکو کی طرف سے کوئی نینس اور جمینینس نے ایک ایک گول اسکور کیا، لیکن وہ اپنی ٹیم کو شکست سے نہ بچا سکے۔

انگلینڈ کی ٹیم کے لیے میچ کا دوسرا ہاف کافی مشکل ثابت ہوا کیونکہ 54ویں منٹ سے انگلش ٹیم کو 10 کھلاڑیوں کے ساتھ کھیلنا پڑا۔ ریفری نے فاؤل کرنے پر انگلینڈ کے کھلاڑی جیرل کوانساہ کو ریڈ کارڈ دکھا کر میدان سے باہر بھیج دیا تھا، تاہم اس کے باوجود انگلش دفاع نے میکسیکو کے حملوں کو ناکام بنائے رکھا۔

ناروے کوارٹر فائنل میں ورلڈکپ کے ایک اور اہم پری کوارٹر فائنل میچ میں بڑا اپ سیٹ دیکھنے کو ملا جہاں ناروے نے شاندار کارکردگی کا مظاہرہ کرتے ہوئے 5 بار کی عالمی چیمپئن برازیل کو 1-2 سے شکست دے کر ٹورنامنٹ سے باہر کر دیا۔ اس تاریخی فتح کے بعد اب کوارٹر فائنل میں ناروے کا ٹاکرا انگلینڈ سے ہوگا۔