الیکشن کمیشن نے ٹی ایل پی انٹرا پارٹی الیکشن کیس پر فیصلہ محفوظ

الیکشن کمیشن آف پاکستان نے تحریکِ لبیک پاکستان (ٹی ایل پی) کے انٹرا پارٹی الیکشن کیس پر سماعت مکمل کرتے ہوئے فیصلہ محفوظ کر لیا ہے۔ سماعت کے دوران دلچسپ اور تلخ جملوں کا تبادلہ ہوا جہاں اسپیشل سیکرٹری نے مؤقف اختیار کیا کہ حکومتی نوٹیفکیشن کے مطابق ٹی ایل پی اس وقت ایک کالعدم جماعت ہے۔ چیف الیکشن کمشنر نے ٹی ایل پی کے وکیل کے وکالت نامے اور اختیار پر سخت سوالات اٹھائے اور کہا کہ پارٹی آئین کے مطابق امیر ہی اصل اتھارٹی ہے، الیکشن اتھارٹی کا کوئی اختیار نہیں۔ اس پر ٹی ایل پی کے وکیل نے بتایا کہ مرکزی مجلسِ عاملہ کی تحلیل کے بعد اختیارات الیکشن اتھارٹی کو منتقل ہوئے تھے، تاہم چیئرمین الیکشن اتھارٹی بلال قادری کو اکتوبر 2025 میں گرفتار کیا گیا تھا جنہوں نے جون 2026 میں ضمانت پر رہائی کے بعد انٹرا پارٹی الیکشن کروائے۔ وکیل نے یہ اعتراف بھی کیا کہ پارٹی کے امیر اس وقت زیرِ حراست ہیں اور ان سے رابطہ نہیں ہے، جس پر الیکشن کمیشن نے کہا کہ یہ ہمارا مسئلہ نہیں۔ چیف الیکشن کمشنر نے یاد دلایا کہ کمیشن نے انٹرا پارٹی الیکشن کی توسیع کی درخواست پہلے ہی مسترد کر دی تھی، جس کے بعد کیس کا فیصلہ محفوظ کر لیا گیا۔