مخالفین کیساتھ ہمیشہ اچھا سلوک کیا، امید نہیں تھی کہ پیپلزپارٹی کی طرف سے شکایت کا موقع ملے گا: نوازشریف

پاکستان مسلم لیگ (ن) کے قائد میاں نواز شریف نے آزاد کشمیر میں حکومت سازی کے حوالے سے منعقدہ اہم اجلاس سے خطاب کرتے ہوئے کہا ہے کہ سیاست میں مخالفت کو اتنی حد تک نہیں بڑھنا چاہیے کہ وہ ذاتی دشمنی میں تبدیل ہو جائے۔ انہوں نے کہا کہ پیپلز پارٹی کی جانب سے شکایت کا موقع ملنے کی توقع نہیں تھی کیونکہ مسلم لیگ (ن) نے ہمیشہ اپنے سیاسی مخالفین کے ساتھ رواداری کا مظاہرہ کیا ہے۔ آزاد کشمیر انتخابات میں شاندار کامیابی پر نومنتخب ارکان کو مبارکباد دیتے ہوئے انہوں نے واضح کیا کہ عوام کی فلاح و بہبود ہماری اولین ترجیح ہونی چاہیے، اور اگر ہم نے اپنے منشور پر سو فیصد عمل کرتے ہوئے ڈیلیور نہ کیا تو عوام کا ناراض ہونا فطری ہوگا۔