مودی سرکار کی پالیسیوں سے تنگ کاکروچ جنتا پارٹی کا ’’سکول ٹھیک کرو‘‘ مہم کا آغاز

بھارتی وزیراعظم نریندر مودی کی پالیسیوں پر شدید تنقید کرتے ہوئے کاکروچ جنتا پارٹی کے بانی ابھیجیت دپکے نے ریاست مہاراشٹر کے ضلع ہنگولی میں اپنے آبائی گاؤں سنوک پیچری کے ایک سرکاری سکول سے ”سکول ٹھیک کرو“ مہم کا باقاعدہ آغاز کر دیا ہے۔ عالمی میڈیا کے مطابق سکول کے طلباء سے ملاقات کے بعد صحافیوں سے گفتگو کرتے ہوئے ابھیجیت دپکے نے کہا کہ اب عوام کو تعلیم کی اہمیت سمجھ آ چکی ہے اور سیاسی جماعتوں پر دباؤ بڑھا کر انہیں تعلیمی نظام کی بہتری کے لیے کام کرنے پر مجبور کیا جائے گا۔

ان کا کہنا تھا کہ مختلف سیاسی جماعتوں کی حکومتیں قائم رہیں لیکن کسی نے بھی سرکاری سکولوں کی بدحالی پر توجہ نہیں دی۔ انہوں نے اعتراض اٹھایا کہ ”ہر گھر ترنگا“ مہم اور سیاسی اشتہار بازی کی رقم اگر سکولوں پر خرچ کی جاتی تو بچوں کا مستقبل بہتر ہو سکتا تھا۔ انہوں نے مودی حکومت کی نئی پارلیمنٹ اور وزیراعظم ہاؤس کی تعمیر کو تنقید کا نشانہ بناتے ہوئے سوال کیا کہ حکمران دیہاتوں میں نئے تعلیمی ادارے کیوں قائم نہیں کر سکتے اور کیا کسانوں و مزدوروں کے بچے اس ملک کا مستقبل نہیں ہیں