آئرلینڈ میں خوفناک ٹریفک حادثہ، 5 نوجوان ہلاک، 4 افراد زخمی

آئرلینڈ کی کاؤنٹی کلڈیئر میں علی الصبح ایک خوفناک ٹریفک حادثے کے نتیجے میں 5 نوجوان جاں بحق جبکہ 4 افراد شدید زخمی ہو گئے ہیں۔ آئرش پولیس کے مطابق یہ حادثہ صبح تقریباً 3 بجے اس وقت پیش آیا جب ایک تیز رفتار گاڑی سڑک کی مخالف سمت (Wrong Side) میں جا رہی تھی، جس کے باعث سامنے سے آنے والی گاڑی سے اس کا شدید فرنٹل تصادم ہو گیا۔

حادثے کے نتیجے میں ایک گاڑی میں سوار 5 نوجوان موقع پر ہی دم توڑ گئے، جبکہ دوسری گاڑی میں موجود 4 افراد زخمی ہوئے۔ زخمیوں میں دو خواتین کی حالت انتہائی تشویشناک بتائی جا رہی ہے، جبکہ ایک نوجوان خاتون اور ایک بچہ بھی شدید زخمیوں میں شامل ہیں جنہیں فوری طبی امداد کے لیے مختلف ہسپتالوں میں منتقل کر دیا گیا ہے۔ آئرش پولیس کے علاوہ آزادانہ تحقیقاتی ادارے ‘فوسرو’ (Fosra) نے بھی واقعے کی باضابطہ اور شفاف تحقیقات کا آغاز کر دیا ہے۔