امریکی ریاست انڈیانا میں طوفان، سیلاب سے 6 افراد ہلاک، لاکھوں افراد بجلی سے محروم

امریکی ریاست انڈیانا میں شدید طوفانوں اور سیلاب کے باعث 4 سالہ بچے سمیت 6 افراد ہلاک ہو گئے ہیں۔ عالمی میڈیا کی رپورٹ کے مطابق انڈیانا سٹیٹ ایمرجنسی آپریشنز سینٹر نے تصدیق کی ہے کہ ہلاک ہونے والوں میں 3 خواتین بھی شامل ہیں۔ اموات ڈیلاویئر، جیننگز، لیک، پورٹر اور لاپورٹ کاؤنٹی کے مختلف علاقوں میں پیش آئیں۔ طوفان کے شدید اثرات کے باعث انڈیانا کے علاوہ الی نوائے، اوہائیو اور کینٹکی میں بھی انفراسٹرکچر کو شدید نقصان پہنچا اور ایک وقت میں تقریباً 10 لاکھ صارفین بجلی سے محروم ہو گئے۔

انڈیانا کے گورنر مائیک براؤن نے بتایا ہے کہ امریکی صدر ڈونلڈ ٹرمپ سے رابطہ ہوا ہے جنہوں نے ریاست کی جانب سے صدارتی ہنگامی حالت (Presidential Emergency Declaration) کے اعلان کی درخواست منظور کرنے کی یقین دہانی کرائی ہے، تاکہ متاثرہ علاقوں میں جلد از جلد وفاقی امداد فراہم کی جا سکے