LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

بینکوں کے منافع کا 60 فیصد حصہ حکومت کو ٹیکس کی مد میں جاتا ہے، ترسیلاتِ زر کو اب حکومت کے بجائے بینکس سپورٹ کریں گے: عاطف باجوہ

Web Desk

4 July 2026

پاکستان بینکنگ سمِٹ 2026ء کے چیئرمین عاطف باجوہ نے کہا ہے کہ بینکنگ سیکٹر کئی سالوں سے حکومتی شراکت داری کے ساتھ مستحکم کارکردگی کا مظاہرہ کر رہا ہے۔ انہوں نے عوامی تاثر کو رد کرتے ہوئے واضح کیا کہ یہ تاثر عام ہے کہ بینکس بہت زیادہ پیسہ کماتے ہیں، لیکن حقیقت یہ ہے کہ بینکوں کے مجموعی منافع کا 60 فیصد حصہ ٹیکسوں کی مد میں حکومت کو چلا جاتا ہے۔ قرضوں کی فراہمی سے لے کر اسٹاک مارکیٹ تک، بینک حکومتی شراکت داری میں ریڑھ کی ہڈی کا کردار ادا کر رہے ہیں۔

عاطف باجوہ نے ترسیلاتِ زر (Remittances) پر بات کرتے ہوئے کہا کہ پاکستان کا انحصار ہمیشہ سے اوورسیز فنڈز پر رہا ہے اور اب یہ انحصار مزید بڑھ گیا ہے۔ انہوں نے ایک اہم پیشرفت کا اعلان کرتے ہوئے بتایا کہ ترسیلاتِ زر کو اب حکومت کی بجائے بینک سپورٹ کریں گے، جو معیشت کی مضبوطی کے لیے ایک اور بڑی پارٹنرشپ ثابت ہوگی۔ اس کے علاوہ، ملکی برآمدات کو عالمی مارکیٹ میں مسابقتی بنانے کے لیے ایکسپورٹس ری فنانس اسکیم کے ریٹس میں بھی کمی کی گئی ہے۔

چیئرمین سمِٹ نے زور دیا کہ موجودہ دور میں سب سے اہم بات ڈیجیٹائزیشن ہے۔ حکومت نے ایک جامع ڈیجیٹل انفراسٹرکچر کا ڈیزائن تیار کیا ہے، اور کیش سے ڈیجیٹل اکانومی کی جانب ملک کے اس سفر کو سمجھنا انتہائی ضروری ہے جس میں بینک کلیدی کردار ادا کر رہے ہیں۔

انہوں نے مزید کہا کہ گزشتہ سال کی سمِٹ کے نتیجے میں حکومتی منصوبوں میں معاونت کے حوالے سے نمایاں پیشرفت ہوئی ہے۔ بین الاقوامی اور خطے کے حالات کی وجہ سے پاکستان کو نئے مسائل کا سامنا ہے، تاہم بینکنگ سیکٹر ملکی معیشت کی نمو کے لیے اسٹیٹ بینک آف پاکستان کی ہدایات کے مطابق مسلسل کوشاں ہے۔ عاطف باجوہ نے بتایا کہ زراعت، ہاؤسنگ اور ایس ایم ایز (SMEs) کے شعبوں میں وہ حکومت کے ساتھ مل کر مزید کام کرنا چاہتے ہیں اور اس سمِٹ میں ملک کے اہم پالیسی ساز اور ریگولیٹرز بھی سرجوڑ کر بیٹھیں گے۔