ایشین انڈر 18 والی بال چیمپئن شپ: پاکستان کی مسلسل دوسری کامیابی

ایشین انڈر 18 والی بال چیمپئن شپ میں پاکستان نے شاندار کھیل کا مظاہرہ کرتے ہوئے ایونٹ میں مسلسل دوسری کامیابی حاصل کر لی ہے، جس کے ساتھ ہی قومی ٹیم نے کوارٹر فائنل کے لیے اپنی جگہ بھی پکی کر لی ہے۔ گروپ مرحلے کے دوسرے میچ میں پاکستان کا مقابلہ قازقستان سے ہوا، جہاں پاکستانی کھلاڑیوں نے حریف ٹیم کو یک طرفہ مقابلے کے بعد 0-3 کے بڑے مارجن سے شکست دی۔ گرین شرٹس نے قازقستان کے خلاف تینوں سیٹس میں بالترتیب 14-25، 12-25 اور 9-25 کا بھاری اسکور کارڈ بنا کر میدان مارا۔ مسلسل دو گروپ میچز میں فتح حاصل کرنے کے بعد پاکستانی ٹیم کے حوصلے بلند ہیں اور اب وہ ایونٹ میں اپنا اگلا گروپ میچ کل تھائی لینڈ کے خلاف کھیلے گی۔