معمولی غلطی نے امریکی خاتون کو کروڑ پتی بنا دیا

امریکی ریاست الینوائے کے شہر جانسن سٹی میں رہائش پذیر ایک خاتون کی معمولی سی غلطی غیر معمولی خوش نصیبی میں بدل گئی۔

میڈیا رپورٹس کے مطابق ہولی نامی خاتون ایک ویب سائٹ کے ذریعے صرف 2 ڈالر مالیت کا فاسٹ پلے ٹکٹ خریدنا چاہتی تھیں، تاہم غلطی سے انہوں نے 20 ڈالر کا میگنیفیسنٹ ملٹی پلائر ٹکٹ خرید لیا۔

حیران کن طور پر یہی ٹکٹ ہولی کیلئے 2 لاکھ 50 ہزار ڈالر کے جیک پاٹ کی جیت کا باعث بن گیا۔ ہولی نے بتایا کہ وہ فلم دیکھتے ہوئے آن لائن ٹکٹ خریدنے کے لیے ویب سائٹ پر گئی تھیں اور غیر ارادی طور پر مہنگا ٹکٹ منتخب ہو گیا۔

ان کا کہنا تھا کہ جب نتائج سامنے آئے تو وہ یقین ہی نہیں کر پا رہی تھیں کہ اتنی بڑی رقم ان کے حصے میں آ گئی ہے۔

ہولی کے مطابق یہ تجربہ اس بات کی واضح مثال ہے کہ بعض اوقات زندگی میں چھوٹی سی غلطی بھی غیر متوقع طور پر بڑی خوش قسمتی کا سبب بن سکتی ہے۔

یہ واقعہ نہ صرف میڈیا بلکہ سماجی حلقوں میں بھی خاصی توجہ کا مرکز بن گیا ہے اور ہولی کی کہانی لوگوں کے لیے یہ پیغام رکھتی ہے کہ قسمت کسی بھی عام سے لمحے میں زندگی کا رخ بدل سکتی ہے۔