کوانٹم ٹیکنالوجی مستقبل کی عالمی مسابقت کا فیصلہ کرے گی، احسن اقبال

وفاقی وزیر منصوبہ بندی احسن اقبال نے کہا ہے کہ پاکستان خلائی اور جدید ٹیکنالوجی کے شعبوں میں سنجیدہ پیش رفت کر رہا ہے اور کوانٹم ٹیکنالوجی مستقبل میں عالمی مسابقت کا فیصلہ کن عنصر ثابت ہوگی۔ اے آئی رائیز ایکسپو 2025 سے خطاب کرتے ہوئے انہوں نے بتایا کہ اڑان پاکستان وژن کے تحت کوانٹم کمپیوٹنگ، نینو ٹیکنالوجی اور جدید مینوفیکچرنگ کے لیے تین نیشنل سینٹرز قائم کیے جا رہے ہیں، جبکہ مصنوعی ذہانت کو پاکستان کی معاشی ترقی کا نیا انجن بنایا جا رہا ہے۔