کشتی پر موجود پُراسرار فنگرپرنٹ، 2000 سال قدیم معمہ حل ہونے کے قریب

سائنس دانوں نے ایک نیا فنگر پرنٹ دریافت کیا ہے جس کے مطابق وہ 2000 سال پرانے ایک قدیم سمندری حملے کے معمہ کو حل کرنے میں مددگار ثابت ہو سکتا ہے۔

تاریخ دان برسوں سے اس بارے میں مخمصے میں تھے کہ انجان حملہ آوروں کا گروہ کون تھا۔ یہ حملہ آور چار صدی قبلِ مسیح میں ڈنمارک کے ساحل پر موجود جزیرے ایلس میں پھنس گئے تھے۔ کشتی کی باقیات پہلی بار 1880 کی دہائی میں دریافت ہوئی تھیں، لیکن محققین کو یہ سمجھنے میں مشکلات پیش آ رہی تھیں کہ کشتی پر کون سوار تھا اور حملے کا مقصد کیا تھا۔

سوئیڈن کی لُنڈ یونیورسٹی کے ماہرِ آثارِ قدیمہ مکائیل فاویل کا کہنا تھا کہ یہ سمندری حملہ آور کہاں سے آئے اور جزیرے پر حملہ کیوں کیا، یہ ایک عرصے سے معمہ رہا ہے۔

ماہرین اب پُرامید ہیں کہ نئے دریافت شدہ فنگر پرنٹ کے تجزیے سے حملہ آوروں کی اصل شناخت اور ان کے مقاصد کے بارے میں حقائق سامنے آئیں گے۔