پی ٹی اے نے تمام سمز کی صارفین کے نام پر رجسٹریشن لازم قرار دے دی

پاکستان ٹیلی کمیونیکیشن اتھارٹی (پی ٹی اے) نے ہدایت کی ہے کہ تمام موبائل سمز لازماً صارف کے اپنے نام پر رجسٹرڈ ہوں۔ پی ٹی اے کے جاری کردہ اعلامیے کے مطابق کسی اور کے نام پر رجسٹرڈ سم کا استعمال قانون کی خلاف ورزی ہے۔

اعلامیے میں کہا گیا ہے کہ سم کے کسی بھی غلط یا غیر قانونی استعمال کی مکمل ذمہ داری رجسٹرڈ صارف پر عائد ہوگی۔ پی ٹی اے کے مطابق صارفین اپنی سمز اور دیگر ٹیلی کام کنکشنز کے استعمال کے خود ذمہ دار ہیں۔

پی ٹی اے نے مزید کہا کہ کالز، پیغامات اور انٹرنیٹ ڈیٹا کے استعمال کے دوران متعلقہ ضوابط کی پابندی لازمی ہے، جبکہ خلاف ورزی کی صورت میں قانونی کارروائی عمل میں لائی جا سکتی ہے۔