کرک میں پولیس موبائل پر حملہ، 5 اہلکار شہید

ڈیرہ اسماعیل خان کے علاقے کرک، گرگری دامی بانڈہ میں پولیس موبائل پر حملہ کیا گیا، جس کے نتیجے میں 5 پولیس اہلکار شہید ہو گئے۔ پولیس کے مطابق فائرنگ کے بعد پولیس موبائل میں آگ بھڑک اٹھی۔

واقعے کے فوراً بعد پولیس کی بھاری نفری نے علاقے کو گھیرے میں لے کر حملہ آوروں کی تلاش کے لیے سرچ آپریشن شروع کر دیا۔ شہید ہونے والے اہلکاروں میں شاہد اقبال، صفدر، عارف اور محمد ابرار شامل ہیں۔

ڈی پی او کرک سعود کے مطابق شواہد اکٹھے کر کے تفتیش کا آغاز کر دیا گیا ہے اور واقعے کی تمام پہلوؤں سے تحقیقات کی جا رہی ہیں۔