فرنچ اوپن 2026 میں سنسنی خیز اپ سیٹ، نواک جوکووچ نوجوان کھلاڑی سے ہار گئے

فرنچ اوپن 2026 میں ایک اور بڑا اپ سیٹ دیکھنے میں آیا ہے جہاں سابق چیمپئن نواک جوکووچ کو برازیل کے 19 سالہ کھلاڑی زاو فونسیکا نے پانچ سیٹ کے سخت مقابلے کے بعد شکست دے دی۔

میچ تقریباً پونے پانچ گھنٹے تک جاری رہا جس میں دونوں کھلاڑیوں نے اعلیٰ معیار کا کھیل پیش کیا۔ فیصلہ کن پانچواں سیٹ انتہائی سنسنی خیز ثابت ہوا۔

نواک جوکووچ نے میچ کا آغاز مضبوط انداز میں کیا اور پہلے دو سیٹ چھ چار اور چھ چار سے جیت کر برتری حاصل کی، تاہم اس کے بعد نوجوان برازیلین کھلاڑی نے شاندار واپسی کی۔

تیسرے سیٹ میں زاو فونسیکا نے چھ تین سے کامیابی حاصل کی جبکہ چوتھے اور پانچویں سیٹ میں انہوں نے مسلسل دباؤ برقرار رکھتے ہوئے سات پانچ اور سات پانچ سے جیت کر میچ اپنے نام کرلیا۔

اس نتیجے کے بعد نواک جوکووچ ٹورنامنٹ سے باہر ہوگئے جبکہ فرنچ اوپن میں اپ سیٹس کا سلسلہ جاری ہے۔

اس سے قبل بھی ٹاپ سیڈ یانک سینر کو دوسرے راؤنڈ میں غیر متوقع شکست کا سامنا کرنا پڑا تھا۔