ٹیکس وصولی کے لیے ایف بی آر کے تمام دفاتر 30 مئی کو کھلے رہیں گے

فیڈرل بورڈ آف ریونیو نے اعلان کیا ہے کہ ٹیکس وصولی اور سرکاری امور کی انجام دہی کے لیے ملک بھر میں اس کے تمام دفاتر تیس مئی کو معمول کے مطابق کھلے رہیں گے۔

ایف بی آر کی جانب سے جاری بیان کے مطابق تمام فیلڈ فارمیشنز ہفتے کے روز بھی اپنی ذمہ داریاں جاری رکھیں گی تاکہ ٹیکس وصولی کے عمل میں کسی قسم کا تعطل پیدا نہ ہو۔

اعلامیے میں کہا گیا ہے کہ بڑے ٹیکس دہندگان کے دفاتر، درمیانے درجے کے ٹیکس دہندگان کے دفاتر، کارپوریٹ ٹیکس دفاتر اور علاقائی ٹیکس دفاتر معمول کے مطابق کھلے رہیں گے۔

ایف بی آر نے واضح کیا ہے کہ تمام دفاتر میں معمول کی سرگرمیاں جاری رہیں گی اور ٹیکس دہندگان کو سہولت فراہم کرنے کے لیے عملہ اپنی ذمہ داریاں انجام دیتا رہے گا۔