بلوچستان میں ٹرین سروس بحال، جعفر ایکسپریس آج کوئٹہ سے روانہ ہوگی
Web Desk
30 May 2026
کوئٹہ: بلوچستان میں گزشتہ 3 روز سے معطل رہنے والا ریلوے آپریشن بالاخر مکمل طور پر بحال کرنے کا فیصلہ کر لیا گیا ہے، جس کے بعد آج (ہفتہ) سے ٹرینوں کی آمد و رفت معمول پر آ جائے گی۔
ریلوے حکام کے مطابق، شیڈول کے تحت صوبے کی اہم ترین ٹرین ’جعفر ایکسپریس‘ آج اپنے مقررہ وقت پر کوئٹہ سے پشاور کے لیے روانہ ہوگی۔ اس کے ساتھ ہی پشاور سے کوئٹہ آنے والی واپسی سروس کو بھی بحال کر دیا گیا ہے، جس سے بلوچستان کا ملک کے دیگر حصوں اور صوبوں کے ساتھ کٹ جانے والا زمینی و ریلوے رابطہ دوبارہ قائم ہو جائے گا۔
واضح رہے کہ گزشتہ 3 دنوں کے دوران ناگزیر سیکیورٹی و دیگر وجوہات کی بنا پر کوئٹہ آنے اور جانے والی تمام ٹرین سروسز کو عارضی طور پر معطل رکھا گیا تھا۔
گزشتہ روز (جمعہ) بھی جعفر ایکسپریس کو کوئٹہ سے روانہ نہیں کیا جا سکا تھا، جبکہ پشاور سے کوئٹہ آنے والی ٹرین کو راستے میں ہی یعنی جیکب آباد اسٹیشن سے واپس بھیج دیا گیا تھا۔ اس دوران بولان میل اور چمن پسنجر ٹرین کی سروسز بھی مکمل بند رہیں۔
کوئٹہ روٹ پر آپریشنل تعطل کے اثرات کراچی سے اپ کنٹری جانے والی بعض اہم ٹرینوں پر بھی مرتب ہوئے، جس کے باعث ٹرینوں کا پورا شیڈول متاثر ہوا:
-
تیزگام ایکسپریس: یہ ٹرین کراچی کینٹ اسٹیشن سے اپنے مقررہ وقت شام ساڑھے 5 بجے کے بجائے شدید تاخیر کے بعد رات ڈیڑھ بجے روانہ ہو سکی۔ گھنٹوں انتظار کے باعث مسافروں نے کینٹ اسٹیشن پر شدید احتجاج بھی کیا۔
-
سکھر ایکسپریس: اس ٹرین کی روانگی میں بھی کئی گھنٹوں کی غیر معمولی تاخیر دیکھنے میں آئی، جس سے مسافروں کو شدید مشکلات کا سامنا کرنا پڑا۔
ریلوے انتظامیہ کا کہنا ہے کہ اب ٹریک کلیئر ہے اور تمام ٹرینوں کو جلد سے جلد ان کے اصل شیڈول پر واپس لانے کے لیے کوششیں تیز کر دی گئی ہیں۔
متعلقہ عنوانات
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026
مریم نواز نے سی ایم سولر پینل سکیم فیز ٹو کی منظوری دے دی
19 November 2026
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
19 November 2026
عدالت کا 15 روز میں نادرا ای بیلٹنگ کا عمل مکمل کرنے کا حکم
19 November 2026