چاند پر ملازمت کا موقع، ناسا نے خلابازوں کی نئی بھرتیوں کا اعلان کردیا

امریکی خلائی ادارے ناسا (NASA) نے چاند پر رہنے، تحقیق کرنے اور مستقبل کے خلائی مشنز میں حصہ لینے کے خواہش مند افراد کے لیے نئے خلا بازوں کی بھرتی کا اعلان کیا ہے۔ ناسا کے سربراہ جیرڈ آئزک مین کے مطابق منتخب ہونے والے خلا بازوں کو خلائی جہازوں کی آزمائش اور چاند کے جنوبی قطب کے قریب اہم سائنسی مشنز کے لیے تیار کیا جائے گا۔ درخواست گزاروں کے لیے امریکی شہریت کے ساتھ ساتھ متعلقہ شعبے میں اعلیٰ تعلیم اور پیشہ ورانہ تجربہ لازمی قرار دیا گیا ہے، جبکہ حتمی طور پر منتخب امیدواروں کو 2 سال کی سخت تربیتی مرحلے سے گزرنا ہوگا۔ ناسا نے اس ملازمت کی ابتدائی سالانہ تنخواہ 1 لاکھ 64 ہزار 395 امریکی ڈالر مقرر کی ہے اور درخواستیں جمع کرانے کی آخری تاریخ 3 دسمبر 2026ء رکھی گئی ہے۔ یاد رہے کہ ناسا نے 2028ء تک انسانوں کو دوبارہ چاند کی سطح پر اتارنے کا ہدف طے کر رکھا ہے۔