چینی وزیر خارجہ کا امریکی ہم منصب سے رابطہ، دوطرفہ تعاون سے متعلق امور پر گفتگو

چینی وزیر خارجہ وانگ یی نے اپنے امریکی ہم منصب سے ٹیلی فونک رابطہ کیا ہے، جس کے دوران دونوں ممالک کے اعلیٰ سفارت کاروں کے درمیان دوطرفہ تعلقات اور عالمی امور پر مثبت اور تعمیری بات چیت ہوئی۔

چینی میڈیا کے مطابق اس اہم رابطے میں چین نے امریکا کے ساتھ سفارتی رابطوں، مکالمے اور تعاون کو مزید فروغ دینے پر آمادگی کا اظہار کیا ہے۔ دونوں وزرائے خارجہ نے باہمی تعلقات کے استحکام اور مختلف شعبوں میں تعاون بڑھانے سے متعلق امور پر تفصیلی تبادلہ خیال کیا۔

دوسری جانب امریکی وزیر خارجہ نے گفتگو کرتے ہوئے انکشاف کیا ہے کہ صدر ڈونلڈ ٹرمپ کی جانب سے چینی صدر اور روسی صدر کے درمیان ایک اعلیٰ سطح کی سہ فریقی ملاقات کروانے کی کوششیں تیزی سے جاری ہیں۔ امریکی وزیر خارجہ کا کہنا تھا کہ صدر ٹرمپ دنیا کے ان تینوں اہم ممالک کے رہنماؤں کی مشترکہ ملاقات کے خواہاں ہیں اور اس اہم سربراہی ملاقات کا انعقاد جلد ممکن ہونا چاہیے۔