میرا کی چھوٹی بہن شائستہ عباس کینسر کے باعث انتقال کر گئیں

معروف پاکستانی اداکارہ میرا کی چھوٹی بہن شائستہ عباس طویل عرصے تک کینسر کے مرض سے نبرد آزما رہنے کے بعد لندن کے ایک اسپتال میں انتقال کر گئیں۔ اداکارہ میرا نے اپنی بہن کی وفات کی تصدیق کرتے ہوئے انتہائی افسوس اور غم کا اظہار کیا، جبکہ ان کا کہنا تھا کہ بہن کی تشویشناک حالت کے پیشِ نظر انسانی ہمدردی کی بنیاد پر بارہا اپیلوں اور درخواستوں کے باوجود برطانوی ہائی کمیشن نے انہیں ویزا جاری نہیں کیا۔ مرحومہ شائستہ عباس پیشے کے اعتبار سے وکیل تھیں جبکہ انہوں نے اداکاری کے میدان میں بھی طبع آزمائی کی اور نجی ٹی وی کے ڈرامے ’سیپ‘ میں مرکزی کردار ادا کیا تھا۔ شائستہ عباس کے ناگہانی انتقال پر شوبز انڈسٹری کی متعدد شخصیات اور مداحوں نے اداکارہ میرا اور ان کے اہل خانہ سے گہرے دکھ اور تعزیت کا اظہار کیا ہے۔