پاکستان میں سوشل میڈیا صارفین کی حیران کن تفصیلات: 10 کروڑ ٹک ٹاکر اور واٹس ایپ پر روزانہ 12 ارب پیغام رسانی کا انکشاف

پاکستان ٹیلی کمیونیکیشن اتھارٹی (پی ٹی اے) کے چیئرمین میجر جنرل (ر) حفیظ الرحمان نے قومی اسمبلی کی قائمہ کمیٹی برائے آئی ٹی کو ملک میں سوشل میڈیا کے استعمال کی تفصیلات فراہم کرتے ہوئے بتایا ہے کہ یوٹیوب ویڈیوز دیکھنے میں پاکستان دنیا بھر میں سرفہرست ہے۔ انہوں نے بتایا کہ ملک میں 96 ملین شہری یوٹیوب استعمال کرتے ہیں جہاں روزانہ 560 ملین ویڈیوز دیکھی جاتی ہیں، جبکہ ٹک ٹاک کے 10 کروڑ فعال صارفین ہیں اور 15 کروڑ سے زائد لوگ ویڈیوز دیکھتے اور اپ لوڈ کرتے ہیں۔ پی ٹی اے چیئرمین کے مطابق واٹس ایپ کے بھی 10 کروڑ صارفین موجود ہیں جہاں پاکستانی روزانہ ایک ارب کالز اور 12 ارب سے زائد پیغامات کا تبادلہ کرتے ہیں۔