اگنائٹ کے نیشنل انکیوبیشن سینٹرز نے لندن میں عالمی ایوارڈ اپنے نام کر لیا

پاکستان کے اگنائٹ – نیشنل ٹیکنالوجی فنڈ کے ‘نیشنل انکیوبیشن سینٹرز’ (NICs) پروگرام نے لندن میں منعقدہ کامن ویلتھ ٹیلی کمیونیکیشنز آرگنائزیشن (CTO) ڈیجیٹل ایکسیلنس ایوارڈز 2026 میں ‘ڈیجیٹل پالیسی و ریگولیٹری ایکسیلنس ایوارڈ’ اپنے نام کر لیا ہے۔ سی ٹی او کے 56 رکن ممالک کے درمیان ملنے والی یہ پذیرائی پاکستان میں نئے کاروباروں، ٹیکنالوجی کی جدت اور ڈیجیٹل معیشت کے فروغ کے لیے کی جانے والی کاوشوں کا عالمی اعتراف ہے۔ وفاقی وزیرِ آئی ٹی شزہ فاطمہ خواجہ کی قیادت اور وزیراعظم شہباز شریف کے “ڈیجیٹل طور پر بااختیار پاکستان” وژن کے تحت اگنائٹ کے اس منصوبے نے ملک بھر میں ینگ انٹرپرینیورز کو سرمایہ کاری، تربیت اور وسائل کی فراہمی میں کلیدی کردار ادا کیا ہے، جسے بین الاقوامی سطح پر پائیدار ٹیکنالوجی ایکو سسٹم کا نمونہ قرار دیا گیا ہے۔