اسلام آباد بلدیاتی الیکشن: تاحال 39 امیدواروں نے کاغذات نامزدگی جمع کرائے
Web Desk
4 November 2026
وفاقی دارالحکومت اسلام آباد میں بلدیاتی انتخابات 2026ء کے لیے کاغذاتِ نامزدگی جمع کرانے کا عمل سست روی کا شکار ہے، جہاں گزشتہ شام تک مجموعی طور پر صرف 39 امیدواروں نے اپنے کاغذاتِ نامزدگی ریٹرننگ افسران کے پاس جمع کروائے ہیں۔
الیکشن کمیشن کے ذرائع کے مطابق، 3 نومبر تک امیدواروں کو مجموعی طور پر 1,665 نامزدگی فارمز جاری کیے جا چکے ہیں، جبکہ کاغذات جمع کرانے کی آخری تاریخ 6 نومبر مقرر کی گئی ہے۔ الیکشن کمیشن کے جاری کردہ انتخابی شیڈول کے مطابق، کاغذاتِ نامزدگی کی سکروٹنی 9 سے 13 نومبر تک ہوگی، جبکہ کاغذات مسترد یا قبول ہونے کے خلاف اپیلیں 14 سے 18 نومبر تک دائر کی جا سکیں گی جن پر اپیلٹ اتھارٹی 19 سے 23 نومبر کے دوران فیصلے سنائے گی۔
انتخابی شیڈول کے تحت امیدوار 25 نومبر تک اپنے کاغذات واپس لے سکیں گے جبکہ فائنل امیدواروں کو انتخابی نشانات 26 نومبر کو الاٹ کیے جائیں گے۔ اسلام آباد کو بلدیاتی انتخابات کے انعقاد کے لیے 125 یونین کونسلز (UCs) میں تقسیم کیا گیا ہے، جہاں 16 ریٹرننگ افسران (ROs) انتخابی امور کی دیکھ بھال کر رہے ہیں۔ واضح رہے کہ یہ بلدیاتی انتخابات سال 2015ء کے بلدیاتی قانون کے تحت کروائے جا رہے ہیں، جن کے لیے پولنگ 20 دسمبر 2026ء کو ہوگی جبکہ غیر حتمی انتخابی نتائج 21 سے 24 دسمبر تک مرتب کر کے جاری کیے جائیں گے۔
متعلقہ عنوانات
بلاول کو وزیراعظم بنتا دیکھ رہی ہوں، فریال تالپور
17 November 2026
امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ
17 November 2026
علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم
17 November 2026
مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان
17 November 2026
ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی
17 November 2026
ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت
17 November 2026
امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات
17 November 2026
جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات
17 November 2026