رجب المرجب 1447 ہجری کا چاند نظر آنے کی پیشگوئی، پہلا روزہ 22 دسمبر متوقع

سپارکو نے رجب المرجب 1447 ہجری کے چاند سے متعلق فلکیاتی پیشگوئی جاری کر دی ہے۔ ترجمان سپارکو کے مطابق نیا چاند 20 دسمبر 2025 کو صبح 06:43 بجے پیدا ہو چکا ہے۔

سپارکو کا کہنا ہے کہ 21 دسمبر کو غروبِ آفتاب کے وقت چاند کی عمر 35 گھنٹے اور 26 منٹ ہوگی، جبکہ ساحلی علاقوں میں غروبِ آفتاب اور غروبِ ماہتاب کے درمیان وقفہ تقریباً 63 منٹ متوقع ہے۔ ان فلکیاتی عوامل کی بنیاد پر 21 دسمبر کی شام چاند کے ننگی آنکھ سے نظر آنے کے امکانات واضح ہیں۔

ترجمان کے مطابق فلکیاتی حسابات کی روشنی میں رجب المرجب کا پہلا دن 22 دسمبر 2025 کو ہونے کا امکان ہے۔ تاہم رجب المرجب کے آغاز کا حتمی اعلان مرکزی رویتِ ہلال کمیٹی کی جانب سے کیا جائے گا۔