کولمبین گلوکارہ نے اسرائیلی پرچم پاؤں تلے روندتے ہوئے آزاد فلسطین کے نعرے لگا دئیے

کولمبیا میں منعقدہ معروف میوزک فیسٹیول ’ہیپ ہاپ ال پارک‘ کے دوران کولمبین رَیپر چیلو ہاپ نے اپنے نئے گانے ’ایناٹومیا‘ کی پیشکش کے بعد اسٹیج پر اسرائیلی پرچم کو پاؤں تلے روند کر ’آزاد فلسطین‘ کے نعرے بلند کیے ہیں۔ سوشل میڈیا پر وائرل ہونے والی ویڈیو اور اطلاعات کے مطابق فنکارہ نے پرچم پر قدم رکھتے ہوئے ہسپانوی زبان میں ’پالسٹینا لیبرے‘ (آزاد فلسطین) اور غیر قانونی قبضے کے خلاف نعرے لگائے، جس کے بعد دنیا بھر میں مظلوم فلسطینیوں کی حمایت میں جاری عالمی تحریک کو ایک بار پھر نمایاں پیش رفت ملی ہے۔ اس موقع پر موجود شائقین نے بھی فلسطینی عوام کی خودمختاری اور حقوق کی حمایت میں فنکارہ کے اس قدم کی پذیرائی کی۔