پاکستان کشمیریوں کی اخلاقی و سفارتی حمایت جاری رکھے گا: مریم نواز

وزیراعلیٰ پنجاب مریم نواز شریف نے مقبوضہ جموں و کشمیر پر بھارت کے غاصبانہ قبضے کے خلاف ‘یومِ سیاہ’ کے موقع پر اپنے خصوصی پیغام میں کشمیری شہداء کو خراجِ عقیدت پیش کرتے ہوئے کہا ہے کہ 27 اکتوبر کا دن عالمی تاریخ کا ایک سیاہ باب ہے۔ انہوں نے واضح کیا کہ مسئلہ کشمیر صرف کسی ایک ملک کا نہیں بلکہ پوری بین الاقوامی برادری کا مسئلہ بن چکا ہے اور پاکستان اپنے کشمیری بہن بھائیوں کی اخلاقی، سیاسی اور سفارتی حمایت جاری رکھے گا۔ مریم نواز نے زور دیا کہ کشمیر اور پاکستان لازم و ملزوم ہیں جنہیں الگ نہیں کیا جا سکتا، اور لاکھوں بے گناہ کشمیریوں کی قربانیاں ضائع نہیں جائیں گی بلکہ مقبوضہ وادی میں آزادی کی روشن صبح ضرور طلوع ہو گی۔