مریم نواز کا جون 2027 تک 5734 واٹرفلٹریشن پلانٹ مکمل کرنے کا ہدف

وزیراعلیٰ پنجاب مریم نواز شریف نے صاف پانی اتھارٹی کے خصوصی اجلاس کی صدارت کرتے ہوئے جون 2027ء تک صوبے بھر میں 5,734 واٹر فلٹریشن پلانٹس مکمل کرنے کا ہدف دے دیا ہے۔ اجلاس میں واٹر فلٹریشن پلانٹس کی مانیٹرنگ اسسٹنٹ کمشنرز اور مقامی عوامی کمیٹیوں کے سپرد کرنے جبکہ ہر تحصیل میں موبائل مینٹیننس یونٹس قائم کرنے کا فیصلہ کیا گیا۔ وزیراعلیٰ نے چکوال، راجن پور اور راولپنڈی کے لیے ’لاسٹ مائل واٹر سپلائی پراجیکٹ‘ کی منظوری بھی دی۔ علاوہ ازیں بریفنگ میں بتایا گیا کہ خوشاب، ڈی جی خان، رحیم یار خان اور بہاولپور میں جاری سی ایم واٹر بوٹلنگ پراجیکٹ سے روزانہ 10 ہزار بوتلیں تیار ہو رہی ہیں جن سے اب تک 48 لاکھ سے زائد افراد مستفید ہو چکے ہیں۔ وزیراعلیٰ کا کہنا تھا کہ صاف پانی عوام کا بنیادی حق ہے اور حکومت اسے ہر گھر کی دہلیز تک پہنچائے گی۔