این سی سی آئی اے کی بڑی کارروائی، 35 ارب روپے کے آن لائن فراڈ کا مرکزی ملزم گرفتار

نیشنل سائبر کرائم انویسٹی گیشن ایجنسی (این سی سی آئی اے) لاہور نے ایک بڑی کارروائی کے دوران 35 ارب روپے کا آن لائن فراڈ بے نقاب کرتے ہوئے جعلی امریکی ڈاک ٹکٹ فروخت کرنے والے مرکزی ملزم فہیم اکرم کو گرفتار کر لیا ہے۔ این سی سی آئی اے کے ترجمان کے مطابق ملزم 2023ء سے جعلی ویب سائٹ کے ذریعے اب تک 50 لاکھ سے زائد جعلی ڈاک ٹکٹ فروخت کر چکا تھا، جبکہ اس رقم کی منتقلی کے

لیے خاندان کے 16 بینک اکاؤنٹس استعمال کیے گئے۔ ایڈیشنل ڈائریکٹر عاطف امیر کی نگرانی میں 8 خصوصی ٹیموں نے 10 روزہ لوکیٹر آپریشن اور پنجاب، اسلام آباد و سندھ میں 35 مقامات پر چھاپوں کے بعد ملزم کو گرفتار کیا۔ ڈائریکٹر جنرل این سی سی آئی اے سید علی ناصر رضوی نے کہا کہ ڈیجیٹل فراڈ کے خلاف زیرو ٹالرنس پالیسی پر عمل جاری ہے اور عوام ایسے جرائم کی اطلاع ہیلپ لائن 1799 پر دیں۔