خیبر پختونخوا میں وسائل سے زیادہ مسائل، دہشتگردی کے خلاف متحد ہونا پڑے گا: طارق فضل چودھری

وفاقی وزیر پارلیمانی امور طارق فضل چوہدری نے اسلام آباد میں پریس کانفرنس کرتے ہوئے کہا ہے کہ خیبر پختونخوا میں امن و امان کی بحالی اور دہشت گردی کے خاتمے کے لیے صدارتی فرمان کے تحت گورنر راج اور ایمرجنسی جیسے نافذ کردہ اقدامات کی پارلیمنٹ سے توثیق کرائی جا چکی ہے۔ انہوں نے بتایا کہ گورنر خیبر پختونخوا کی سربراہی میں 11 رکنی مشاورتی کونسل فعال ہے اور صوبے کے 12 اضلاع میں مقامی مشران پر مشتمل کونسلز قائم کی گئی ہیں۔ طارق فضل چوہدری نے الزام عائد کیا کہ کے پی کی سابق حکومت اور وزیراعلیٰ نے دہشت گردی اور افغان پالیسی پر وفاق سے تعاون سے انکار کیا، جس کے باعث یہ سخت آئینی اقدامات ناگزیر ہوئے۔ انہوں نے بھارت اور غیر ملکی عناصر کی جانب سے بی ایل اے اور دہشت گرد گروہوں کی پشت پناہی کی مذمت کرتے ہوئے تمام اپوزیشن جماعتوں کو دہشت گردی کے خلاف قومی یکجہتی کی دعوت دی۔