وفاقی وزارتِ تعلیم اور گوتھ اے آئی کے درمیان مفاہمتی یادداشت، مفت پریمیم سبسکرپشنز کا اعلان

پاکستان کے تعلیمی شعبے میں مصنوعی ذہانت (AI) کے فروغ کے لیے وفاقی وزارتِ تعلیم اور ‘گوتھ اے آئی’ کے درمیان مفاہمتی یادداشت پر دستخط کی تقریب منعقد ہوئی، جس میں وزیراعظم شہباز شریف نے خصوصی شرکت کی۔ اس معاہدے کے تحت گوتھ اے آئی نے پاکستانی اساتذہ کے لیے چار ہزار مفت پریمیئم سبسکرپشنز فراہم کرنے کا اعلان کیا ہے۔ تقریب سے خطاب کرتے ہوئے وزیراعظم شہباز شریف نے اس شراکت داری کو سراہا اور کہا کہ حکومت نوجوانوں کو جدید ٹیکنالوجی سے بااختیار بنانے کے لیے تمام وسائل فراہم کر رہی ہے۔ انہوں نے دانش اسکولوں کے معیار اور توسیعی منصوبوں کا ذکر کرتے ہوئے زور دیا کہ جدید تدریسی طریقوں اور ٹیکنالوجی کے امتزاج سے تعلیمی انقلاب لایا جائے گا۔