سندھ کابینہ کا میر رضا کیس کی رپورٹ منظر عام پر لانے کا فیصلہ

وزیراعلیٰ سندھ مراد علی شاہ کی زیر صدارت صوبائی کابینہ کے اہم اجلاس میں نوجوان تاجر میر رضا کیس کی تحقیقاتی رپورٹ منظرِ عام پر لانے کا فیصلہ کیا گیا ہے۔ ترجمان کے مطابق اجلاس میں 7 مختلف لفافوں میں پیش کی جانے والی اس رپورٹ کو فوری طور پر محکمہ داخلہ سندھ کی ویب سائٹ پر شائع کرنے اور اس کی کاپی متاثرہ خاندان کو فراہم کرنے کی ہدایت کی گئی ہے۔ مزید برآں، کابینہ نے رپورٹ کی سفارشات پر عملدرآمد کے لیے ایک ذیلی کمیٹی قائم کر دی ہے جس میں صوبائی وزرا ضیاء الحسن لنجار، سید ناصر حسین شاہ، سعید غنی اور ایڈووکیٹ جنرل سندھ شامل ہیں۔