حکومت نے مذاکرات میں مایوس کیا، دہشت گردی کیخلاف جنگ متاثر نہیں ہونی چاہیے: بیرسٹر گوہر

پاکستان تحریک انصاف کے چیئرمین بیرسٹر گوہر علی خان نے راولپنڈی میں میڈیا سے گفتگو کرتے ہوئے کہا ہے کہ پی ٹی آئی غیر مشروط طور پر مذاکرات کی میز پر بیٹھی تھی لیکن حکومت نے مایوس کیا۔ انہوں نے واضح کیا کہ ان کی جماعت ہر قسم کی دہشت گردی کی مخالفت کرتی ہے اور نیشنل ایکشن پلان پر مکمل عمل درآمد چاہتی ہے، اس لیے دہشت گردی کے خلاف جنگ پر کوئی اثر نہیں پڑنا چاہیے۔ بیرسٹر گوہر نے بتایا کہ پارٹی مطالبات میں بانی پی ٹی آئی سے ملاقات، علاج معالجے اور بچوں سے ٹیلی فون پر بات چیت شامل تھی۔ اپوزیشن لیڈر محمود خان اچکزئی پر مکمل اعتماد کا اظہار کرتے ہوئے انہوں نے خیبرپختونخوا سے ہدایات ملنے کے تاثر کو رد کیا، جبکہ پارٹی ڈسپلن کی خلاف ورزی پر مشعال یوسفزئی کو شوکاز نوٹس جاری کرنے کا بھی اعلان کیا۔