روس کے یوکرین پر رات گئے ڈرون حملے، لاجسٹکس مراکز اور بندرگاہوں کو نشانہ بنانے کا دعویٰ

روسی مسلح افواج نے یوکرین کے مختلف علاقوں میں لاجسٹکس مراکز، بندرگاہوں اور فوجی سامان کی ترسیل کے لیے استعمال ہونے والے بحری جہازوں پر رات گئے شدید ڈرون حملے کیے ہیں۔ روسی وزارتِ دفاع کا دعویٰ ہے کہ انہوں نے خمیلنیتسکی اور وولین میں اہم فوجی گوداموں سمیت رینی اور اوڈیسا کی بندرگاہوں پر موجود 4 مال بردار جہازوں کو نشانہ بنایا ہے جو ملٹری سامان لے جا رہے تھے۔ دوسری جانب یوکرینی حکام نے کیف، لیوو، ترنوپل اور اوڈیسا میں صنعتی گوداموں اور توانائی کے بنیادی ڈھانچے کو شدید نقصان پہنچنے اور آگ لگنے کی تصدیق کی ہے۔ تاہم، ان روسی دعوؤں اور ممکنہ جانی و مالی نقصانات کی آزاد ذرائع سے فوری تصدیق نہیں ہو سکی ہے۔