پمز ہسپتال میں بریسٹ کینسر آگاہی تقریب: پاکستان کی نوجوان خواتین میں مرض کا تیزی سے پھیلاؤ تشویشناک ہے، امریکی ناظم الامور

پروپوزل پمز (PIMS) ہسپتال اسلام آباد میں بریسٹ کینسر (چھاتی کے سرطان) سے متعلق ایک خصوصی آگاہی پروگرام کا انعقاد کیا گیا، جس میں امریکی ناظم الامور نیٹلی بیکر (Natalie Baker) نے بطورِ خاص شرکت کی۔ تقریب سے خطاب کرتے ہوئے نیٹلی بیکر نے تشویش کا اظہار کیا کہ بریسٹ کینسر ایک مہلک بیماری ہے اور پاکستان میں کم عمر اور نوجوان خواتین اِس سے تیزی سے متاثر ہو رہی ہیں۔ انہوں نے بیماری کی بروقت تشخیص کے لیے باقاعدہ معائنے (Self-Checkup) پر زور دیتے ہوئے کہا کہ متاثرہ خواتین کو جسمانی علاج کے ساتھ ساتھ ذہنی و نفساتی معاونت (Mental & Psychological Support) کی بھی اشد ضرورت ہوتی ہے۔ تقریب کے دیگر مقررین نے بھی آگاہی مہمات کی اہمیت کو اجاگر کرتے ہوئے کہا کہ بروقت تشخیص اور آگاہی کے ذریعے اس مہلک بیماری سے ہزاروں قیمتی جانیں بچائی جا سکتی ہیں۔