پاکستان، مصر اور ترکیہ کی سعودیہ کیخلاف حوثی ملیشیا کے حملوں کی شدید مذمت

پاکستان، سعودی عرب، مصر اور ترکیہ پر مشتمل ‘آر فور (R4) گروپ’ نے سعودی عرب کی حدود اور بالخصوص ریاض کے کنگ خالد انٹرنیشنل ایئرپورٹ کو حوثی ملیشیا کی جانب سے نشانہ بنانے کے واقعے کی شدید الفاظ میں مذمت کی ہے۔ دفترِ خارجہ کے ترجمان کے مطابق جاری کردہ مشترکہ اعلامیے میں آر فور گروپ نے حوثی حملوں کو بین الاقوامی قوانین اور اقوامِ متحدہ کے منشور کی سنگین خلاف ورزی قرار دیتے ہوئے کہا کہ سعودی عرب کی خودمختاری اور علاقائی سالمیت پر حملے خطے کے امن، استحکام اور شہریوں کے تحفظ کے لیے بلاواسطہ خطرہ ہیں۔ اعلامیے میں واضح کیا گیا کہ اس خطرناک اشتعال انگیزی کو کسی بھی جواز کے تحت قبول نہیں کیا جا سکتا۔ R4 گروپ نے سعودی عرب کے ساتھ مکمل یکجہتی کا اعادہ کرتے ہوئے مملکت کے اپنے دفاع اور سلامتی کے لیے اٹھائے جانے والے تمام جائز اقدامات کی مکمل حمایت کا اعلان کیا ہے اور حملوں کو فوری و غیر مشروط طور پر روکنے کا مطالبہ کیا ہے۔