ایمرجنسی کے بعد پہلا نوٹیفکیشن، فخر عالم چیف سیکرٹری کے پی تعینات

وفاقی حکومت نے خیبر پختونخوا میں ایمرجنسی کی صورتحال کے پیش نظر اہم انتظامی تبدیلیاں کرتے ہوئے پاکستان ایڈمنسٹریٹو سروس (PAS) کے گریڈ 22 کے سینئر افسر ڈاکٹر محمد فخر عالم عرفان کو صوبے کا نیا چیف سیکرٹری تعینات کر دیا ہے۔ 11 اکتوبر 2026 کو جاری کردہ باضابطہ نوٹیفکیشن کے مطابق ان کی یہ تعیناتی فوری طور پر تاحکمِ ثانی نافذ العمل ہوگی؛ اس سے قبل ڈاکٹر فخر عالم وفاقی وزارتِ توانائی کے پاور ڈویژن میں سیکریٹری کے عہدے پر فائز تھے اور ان کا تعلق مردان سے ہے۔ مزید برآں، وفاقی حکومت نے وزیراعظم آفس کے ایڈیشنل سیکریٹری اور گریڈ 20 کے افسر محمد یحییٰ اخونزادہ کی خدمات بھی سول سرونٹس ایکٹ 1973 کے سیکشن 10 کے تحت خیبر پختونخوا حکومت کے سپرد کر دی ہیں، جن کا تعلق چارسدہ سے ہے اور وہ سابق فاٹا و کے پی میں مختلف اعلیٰ انتظامی عہدوں پر کام کرنے کا وسیع تجربہ رکھتے ہیں۔