200 روپے مالیت کے پرائز بانڈز کی قرعہ اندازی کے نتائج کا اعلان

قومی بچت مرکز نے آج 200 روپے مالیت کے پرائز بانڈ کی قرعہ اندازی کے نتائج کا اعلان کر دیا ہے، جس کے مطابق پہلے انعام کی رقم 7 لاکھ 50 ہزار روپے مقرر کی گئی ہے۔

قرعہ اندازی کے نتیجے میں پرائز بانڈ نمبر 758760 نے پہلا انعام جیتا۔ دوسرے انعام کے طور پر فی کس 2 لاکھ 50 ہزار روپے پانچ خوش نصیب افراد کو ملے، جن کے بانڈ نمبرز 033045، 487574، 694350، 837177 اور 877428 ہیں۔قومی بچت مرکز کے مطابق تیسرا انعام 1,250 روپے فی کس ہے، جو ملک بھر سے 2,394 افراد کو دیا جائے گا۔یہ قرعہ اندازی قومی بچت مرکز کی نگرانی میں مقررہ طریقہ کار کے مطابق منعقد کی گئی۔ واضح رہے کہ 200 روپے مالیت کے پرائز بانڈ پر ایک پہلا انعام، پانچ دوسرے انعامات اور 2,394 تیسرے انعامات دیے جاتے ہیں۔سٹیٹ بینک آف پاکستان کی جانب سے جاری کردہ پرائز بانڈز کو ملک میں ایک مقبول اور محفوظ سرمایہ کاری کا ذریعہ سمجھا جاتا ہے، جو مختلف مالیت میں دستیاب ہوتے ہیں۔