اکشے کمار کی میم سے ایرانی سفارتخانے کا ٹرمپ پر طنز

تیونس میں قائم ایرانی سفارت خانے نے امریکی صدر ڈونلڈ ٹرمپ پر طنز کرنے کے لیے بالی ووڈ کے معروف اداکار اکشے کمار کی ایک مقبول اور مشہور زمانہ میم (Memes) کا سہارا لے لیا ہے۔ ایرانی سفارت خانے نے اپنے سرکاری ایکس (سابقہ ٹوئٹر) اکاؤنٹ پر یہ مزاحیہ پوسٹ اس وقت شیئر کی جب تہران نے آبنائے ہرمز (Strait of Hormuz) کے قریب امریکی بحریہ کی ایک ڈرون آبدوز (Unmanned Underwater Vehicle) پر قبضے کا باضابطہ دعویٰ کیا۔

سفارت خانے کی جانب سے شیئر کی گئی میم بالی ووڈ کی سال 2007 کی مشہور فلم ’ہے بے بی‘ (Heyy Babyy) کے ایک سین سے لی گئی ہے، جس میں اکشے کمار کے طنزیہ و شرارتی چہرے کے تاثرات کو استعمال کرتے ہوئے لکھا گیا: “ایک ڈرون آبدوز کھو گئی، تیل کی قیمت 100 ڈالرز کے قریب پہنچ گئی، اور انتخابات بالکل قریب ہیں… ٹرمپ اب کیا حال ہے؟” ایرانی سفارت خانے کے اس تنقیدی و مزاحیہ انداز نے سوشل میڈیا پر بڑے پیمانے پر صارفین کی توجہ حاصل کر لی ہے