وزیر صحت مصطفیٰ کمال کا پمز کا دورہ، ڈاکٹرز نے شکایات کے انبار لگا دیئے

وفاقی وزیر صحت مصطفیٰ کمال نے پاکستان انسٹی ٹیوٹ آف میڈیکل سائنسز (PIMS) اسلام آباد کا تفصیلی دورہ کیا، جہاں شعبہ طب اور ڈاکٹرز نے ہسپتال میں سہولیات کی عدم دستیابی اور انتظامی غفلت سے متعلق شکایات کے انبار لگا دیے۔ دورے کے دوران ڈاکٹروں نے وزیر صحت کو بتایا کہ پمز کے آئی سی یو (ICU) میں صرف 10 بیڈز موجود ہیں جبکہ 2023ء سے مزید بیڈز کی فراہمی کی درخواستیں التوا کا شکار ہیں۔ مزید برآں آئی سی یو میں فائر فائٹنگ اور آگ بجھانے کے جدید آلات مکمل ناکارہ ہو چکے ہیں اور ایمرجنسی صورت حال میں محض سلنڈرز پر انحصار کیا جا رہا ہے۔