برسلز میں اے آئی روبوٹس کی نمائش، کچن میں کام کرنے والے روبوٹس متعارف

بیلجیئم کے دارالحکومت برسلز میں مصنوعی ذہانت (AI) سے لیس جدید روبوٹس کی نمائش منعقد کی گئی، جہاں خاص طور پر باورچی خانے کے کام کاج سنبھالنے والے روبوٹس نے شائقین کی توجہ حاصل کر لی۔ نمائش میں پیش کیے گئے 15 جدید روبوٹس نے ڈش واشنگ، فریج میں سامان رکھنے، دودھ کی بوتلیں اٹھانے اور کچن کی اشیاء کی ترتیب جیسے مشکل کام کامیابی سے انجام دیکر اپنی صلاحیتوں کا لوہا منوایا۔ اس موقع پر ماہرین کا کہنا تھا کہ مصنوعی ذہانت اور روبوٹکس کی ٹیکنالوجی میں ہونے والی تیز رفتار پیش رفت کے باعث مستقبل قریب میں یہ روبوٹس عام گھروں کے کچن میں روزمرہ کام انجام دیتے نظر آئیں گے۔