چین: بچوں کو اسکول جانے میں آسانی کے لیے 288 میٹر بلند لفٹ

چین کے صوبے یوننان کے دشوار گزار نِژوہے گرینڈ کینین میں اسکول جانے والے بچوں کی سفری مشکلات کم کرنے کے لیے 288 میٹر بلند ‘فُویاؤ’ نامی نئی بیرونی پینورامک لفٹ تعمیر کر دی گئی ہے۔ اس سے قبل 2022 میں 268 میٹر بلند ‘چنگیون لیڈر’ لفٹ تعمیر کی گئی تھی تاکہ نِژوہے گاؤں کے بچے خطرناک پہاڑی راستے پر تین گھنٹے چڑھنے کے بجائے چند منٹ میں پہاڑ پر پہنچ کر اسکول جا سکیں۔ تاہم، پہلی لفٹ سیاحوں میں حد سے زیادہ مقبول ہونے اور رش بڑھنے کے باعث بچوں کو طویل انتظار کرنا پڑتا تھا۔ اب دوسری لفٹ کے فعال ہونے سے بچوں کے انتظار کا وقت آدھا رہ گیا ہے اور ان کا مجموعی سفر جو پہلے تین گھنٹے پر محیط تھا، اب صرف 30 منٹ میں طے ہو جاتا ہے