ایک لاکھ فٹ کی بلندی سے گرنے کے باوجود آئی فون 17 پرو محفوظ، عالمی ریکارڈ قائم کر لیا

ایپل کے آئی فون 17 پرو نے ایک غیر معمولی تجربے کے دوران ایک لاکھ فٹ (تقریباً 30,607 میٹر) کی بلندی سے زمین پر گرنے کے باوجود مکمل طور پر محفوظ رہ کر گنیز ورلڈ ریکارڈ قائم کر دیا ہے۔ موبائل ایکسیسریز بنانے والی کمپنی ’رائنو شیلڈ‘ نے آئی فون کو اپنے ایئر ایکس کیس میں رکھ کر سویڈن کے شہر کیرونا میں ایک غبارے کے ذریعے اسٹریٹوسفیئر میں بھیجا، جہاں سے اسے بغیر کسی پیراشوٹ یا کشن کے نیچے گرایا گیا۔ منفی 60 ڈگری سینٹی گریڈ کی شدید سردی میں تقریباً 25 منٹ کا سفر طے کر کے فون ایک منجمد جھیل میں جا گرا، جہاں 5 گھنٹے کی تلاش کے بعد ملنے پر فون کی اسکرین اور باڈی پر کوئی خراش تک نہیں تھی اور وہ آن حالت میں کالز کے لیے استعمال ہو رہا تھا۔