الیکشن کمیشن نے تحریک اتحاد اور فریڈم موومنٹ کو ڈی لسٹ کردیا

الیکشن کمیشن آف پاکستان نے انٹرا پارٹی انتخابات اور دیگر مقررہ قواعد و ضوابط پورے نہ کرنے پر مزید دو سیاسی جماعتوں ‘تحریک اتحاد’ اور ‘فریڈم موومنٹ’ کو ڈی لسٹ کر دیا ہے۔ الیکشن کمیشن کے مطابق دونوں جماعتیں انتخابی قوانین، انٹرا پارٹی انتخابات اور دیگر لازمی قانونی تقاضوں کی تعمیل کرنے میں ناکام رہیں۔ قانونی ضوابط کی مسلسل عدم پیروی کی بنیاد پر الیکشن کمیشن نے کارروائی کرتے ہوئے دونوں سیاسی جماعتوں کو تسلیم شدہ احزاب کی فہرست سے مکمل طور پر خارج کرنے کا فیصلہ سنا دیا۔