کینیڈا کے ولِسٹن ریزروائر میں پراسرار جزیرہ نمودار ہونے کے بعد غائب

کینیڈا کے صوبے برٹش کولمبیا میں میک کینزی کے شمال میں واقع وِلِسٹن ریزروائر کے پانی کے ایک بڑے ذخیرے میں اچانک درختوں سے ڈھکا پراسرار جزیرہ نمودار ہوا، جس نے مقامی افراد اور حکام کو حیران کر دیا۔ رواں ماہ کے آغاز میں سامنے آنے والی اس خبر کی تصدیق سیٹلائٹ تصاویر سے ہوئی، جن میں 20 جولائی کو تقریباً 1 لاکھ 5 ہزار 486 مربع فٹ رقبے پر محیط یہ جزیرہ واضح دیکھا گیا۔ تاہم 5 اگست تک یہ جزیرہ سیٹلائٹ ڈیٹا سے مکمل طور پر غائب ہو چکا تھا۔ برٹش کولمبیا ہائیڈرو کے ترجمان باب گیمَر کے مطابق ممکن ہے کہ یہ جزیرہ پانی میں ڈوبنے کے بجائے ریزروائر کے کسی محفوظ حصے میں کنارے کی طرف چلا گیا ہو۔ حکام اس حیرت انگیز تیرتے جزیرے کی اصلیت اور صورتحال کا اندازہ لگانے کے لیے تازہ سیٹلائٹ تصاویر کا جائزہ لے رہے ہیں۔